"وانە"
منداڵ
کە دەستەکانی گرێ بدا و
لە بەردەم فریشتەی وشەدا
دۆش دامێنێ
بە دەم حەزێکی تاساوەوە
گوڵی خولیای
لە نێو دڵە بچکۆڵەکەیدا
بژاکێنێ
لە سەقەتدا گەشە بکا و
قوفڵێکی کلیل ون بووی جادووگەرێ
زمانی پڕ لە بەستە و شێعری
بتاسێنێ
داڵە پیتی نەتەوی
لە قاقڕێکی بێ شوناسدا پەپوولەی هزری
بتارێنێ
ڕاست ئەوکاتەیە
کە کۆتری گیانی
لە هێلانەی ڕۆحی دایکی شار بەدەر دەکرێ و
غەریب غەریب
بە زمانێکی تر دەخوێنێ
(ئیبراهیم ئیسماعیل پوور_ شەما